Namibia okwa tamekitha omulandu gongodhi,tagu ithanwa Telio,komandiki goodholongo

Namibia okwa ningi oshilongo shotango sha Africa oku tamekitha omulandu goongodhi tagu longithwa kaanadholongo go, Telio,ngoka taguya pitike ya kwatathane noshigwana shopondje,noku kalekapo wo egameno.

Ekwathano lyoongodhi lyo one way communication ohali nongononwa noku dhidhilikwa,nolya pumbwa elongitho lyoongodhi dha shangithwa nodha nongononwa.

etamekitho lya ningilwa kodholongo ya Ombaye  metitano,olya landula opolohalama yomalolelo ya ningilwa kodholongo ya Windhoek.

Ominista yiikwameni yoshilongo,egameno nepopilo lyoshigwana Lucia Ipumbu okwa tumbaleke osheetwapo,onga onkatu ya simana oku tula pashinanena omulandu goodholongo goshilongo.

Omulandu gongodhi ogwa tulwamo kepangelo oshali.

Komufala goodholongo nomanzulonkalo Raphael Hamunyela okwa tumbaleke oonkambadhala longelokumwe dhoka dha ningi opololeka yi ninge yoshili.

Osheetwapo osha landula etsokumwe lya shainwa koshikondo shoodholongo nomanzulonkalo no Telio Communications Namibia mu August 2024.