Aantu ya konda 16 oya dhipagelwa momahololo madhiladhilo gongaashingeyi mo Kenya

O Amnesty International oyati aantu 16 oya hulithila momahololo madhiladhilo gopashigwana, geli ompinge nepangelo ohela mo Kenya,noyendji ya dhipagwa kopolisi,konima yomahololo madhiladhilo gomumvo gwa piti ,genasha nontotwaveta yiihohela yokongulu.

O Reuters oya lopota kutya aa Kenya omayovi oya ningi omahololo madhiladhilo momapandaanda, oku dhimbulukwa omahololomadhiladhilo gomumvo gwa piti,ngoka ga faalele oomwenyo dhaantu ya konda 60,nopolisi tayi umbu omuku gomahodhi okuya halakanitha moshilandopangelo Nairobi,shiikwatelela kiikundaneki yomoshilongo oshowo onzonkundana y Reuters.

Omukuluntu go Amnesty International mo Kenya  Irungu Hougton okwati aahololimadhiladhilo yamwe oyiipumu mumwe nopolisi,no 16 oya kolekwa ya hulitha potundi onti 8h30.

Tati oyendji oya dhipagwa kopolisi,moka yatano ya yahwa okusa.

Omanga aantu 61 ya mangwapo pethimbo lyomahololomadhiladhilo.

Aantu 107 oya taambelwa miipangelo omolwa iilalo yoondjembo.