Aafekelwa yaali mboka ya mangwapo omolwa oshitsambe shiingangamithi shoka shaadhika mofaalama mo Hochfeld moshitopolwa Otjozondjupa oya hala oku ethiwa pabail

Oshipotha shawo oshuundulilwa ketine sho ya holoka mohofa ohela.

Yaali omunamimvo 27 Armand Carel Schultz,nomukwashigwana gwa SA ,menigera gofalama,oshowo mwene gofaalama gomimvo 34 David  Strauss Van der Linden oya hala oku ethiwa pabail.

Aafekelwa yalwe yaali moshipotha omunamimvo 61 Johannes Kamati eli omuhingi mofaalama,nomunamimvo 43 Jakob Ganai inaya holoka mompangu.

Yaali oya mangwapo mo 29 May sho opolisi yiitsu oshitsambe sho cannabis shongushu yoodola oomilion dha konda 52.

Noya taalela iipotha yokwaadhika nenge okuungaunga niingangamithi,iimbuluma yuunganekwa noku longela kumwe.

Aakalimo yomOkahandja ya thika 100 ongula yohela oyuulike ompinge okupa aafekelwa o bail.

Noya gandja omukanda nyenyeto komutamaneki ta kalelepo epangelo moshipotha.