Oonkundathana dhopamuthika gopombanda dho Green Investment Dialogue otadhi ningilwa kOmbaye okutameka ongula sigo 13 omwedhi nguka

Oonkundathana dhopamuthika gopombanda dho Green Investment Dialogue otadhi ningilwa kOmbaye okutameka ongula sigo 13 omwedhi nguka ,nokweeta pamwe aanapalaamende naaleli yiikondo yiikwankondo okuza miiilongo ya Africa yili ihamano.

Oshigongi shomasiku gatatu otashi ka ikunda onkandangala yo green hydrogen monakuyiwa yiikwankondo ya Africa ,notashi lalakanene okweendeleleka eyambidhidho lyopashimaliwa lyo  menenevi.

Guunganekwa kohi yopololeka yo Parliamentarians for Climate Finance ,omutumba otagu yambidhidhwa ko Green climate Fund,notagu unganekwa pamwe no Climate Parliament no United nations Industrial Development Organisation ,nogwa landula oonkundathana dhokuyele dhopaitoplwa,mwa kwatelwa dhimwe dha ningilwa mo Morocco kuyele nuumvo.

Onga oshitopolwa shomutumba,aakuthimbinga otaaka talelapo omahala gaali ga Namibia go green hydrogen :Cleanergy Solutions Namibia kOmbaye,ndjoka tayi tungu osasiyona  yotango yo green Hydrogen no Hyron Oshivela pondje ya Arandis,yotango oku nduluka o green iron muuyuni,tayi longo ko hydrogen yo solar noyombepo.