Ova kwaElindi va tulwa moipandeko moshikumungu shoulingilingi wo NAMCOR

Ocommissi yo ku kondjifa oulingilingi moshilongo (ACC), komatango o nena oya koleka kutya oya tula vali moipandeko ovafeekelwa veli 3 va wedwapo shinasha no ulingilingi mehangano lomahooli lo pashiwana lo NAMCOR.

Omunambelewa omukulunhu wo ACC Paulus Noa, okwa koleka koikundaneki kutya, ovo vamangwapo va 3, omwa kwatelwa Peter Elindi na Malakia Elindi (ovamwainafana), veli oovene vehangano loku yandja omahooli koshikondo shetanga leameno lo Enercon.

Enercon,  ota ku lopotwa ena omikuli domahooli dehangano lo Namcor difike N$114.6 million.

Olopota oya ulika yoo kutya omukulukadi umwe wo vamwainafana ovakwa Elindi, naye okwa tulwa moipandeko ashike ina shiyelamo nawa kutya elipipo.

Ekwatepo lavo ola eta kumwe paife ovanhu ovo vadiditikwa shinasha noulingilingi mehangano lo Namcor ufikame pova feekelwa veli 8.

Ovo vamangelwepo onghela omwa kwatelwa oo ali nale omunambelewa omukulunhu we hangano lo Namcor  Imms Mulunga, Jennifer Hamukwaya, Cedric Willemse, oshoyo Olivia Dunaiski, opamwe yoo no mushamane wa Hamukwaya oo edina laye ina litumbulwa natango manga.