Omahangano amwepo anyamukula meyambidido loshikonga shoku wapaleka melelo lo shilando sha Windhoek

Oikondo ya  yooloka moshilando pangelo oya nyamukula keingido le yambidido lo shikonga sho komudo sha Mayora welelo lo shilandopangelo osho kwa teelelika shika kaleko molomakaya twa taalela.

Olopota yapitifwa kelelo loshilando sha Windhoek oyati ofitola yo @NAMICA oyo imwe yo momahangano oo anyamukula keingido loku kwafela noya yandja oshimaliwa keemuma shee N$42,000, ounamunate vefike po 60, brotchens 60, oshoyo eedjato doku tulwa oiyeekelwashi difike po 500.

Ehangano lo   Letshego Namibia loo ola yambidida no shimaliwa shee N$20,000. FNB Namibia  yoo oya yandja oikunwa yongushu yo shimaliwa shee N$5,000, TotalEnergies yoo oya yadja oupakete vomanyala vefike 120, Spice Corporate ayandja eedjato odo hadi dulu oku longifululwa doku umbatela oilandomwa difike po 500.

Oo eli omupedu mayor Clemencia Hanases, oye atambulako omaano ponele yelelo lo shilando sha Windhoek, no kwa ulika eudo nawa laye tadenge omufindo kutya, elelo loshilando ita lidulu oku hanga efindano loku kaleka oshilando shayela osho ashike pehena ovayambidido ngaashi ovo va yandja omakwafelo.

Oshikonga shokomudo shoku wapaleka shelelo lo shilando ota shihovele noku tulwa moilonga molomakaya twa taalela,  tashi kala koshi yekanghameno “oyeekelwashi yange, oshinakuwanifwa  shange mwene .”

Oshikonga ota shika kufa ombinga moikadjo hoololo aishe ili 10 yoshitopolwa sha Khomas.