Omandiki efike po 230 okwa dikwapo opo alongifwe moku lishangifila oukalata vo mahoololo moshitopolwa shErongo

Omandiki efike po 230 okwa dikwapo opo alongifwe moku lishangifila oukalata vo mahoololo moshitopolwa shErongo oku lilongekidila omahoololo omalelo oitopolwa no ikandjo oo afanekwa aka kaleko mo 26 November.

Eshiivifo eli ola etwa poluhaela metine kwao eli omunambelewa wo ECN moshitopolwa shErongo, Aune Ndakeva, pefimbo lo shongalele no vakufimbinga osho shali shaningilwa mo Swakopmund.

Okwati omalishangifo awedwapo oku li monena oukalata vo mahoololo ota hovele okudja mo 04 fiyo 19 August 2025, no kwa nuninwa ovo opo vawanifa omido 18, ovo vakanifa oukalata  ile va nyanauka ile ovo va lundulukila moikandjo hoololo ya yooloka.

Ndakeva okwe shikoleka kutya ovanambelewa va ECN, vefike 47 ota vaka kwatela komesho omalishangifo pomandiki oo atofwamo.

Okwati oiyakulifo yanyika ouxwenge yo mahoololo ota ikala ya tuvikilwa poitaashi yo polifi pOmaruru no Mondesa.