Omupresident gwa S.A Cyril Ramaposa okwa tula pevi  ominista yopolisi Senzo Mchunu sha landula omafekelo gomuule ga ningwa komunambelewa gopombanda General Nhlanhla Mkhwanazi

Mkhwanazi okwa gandja ombedhi ku Mchunu nomupevi kuluntu gopolisi komisala Shadrack Sibiya okwiidhopa momakonakono omanene noku longela kumwe nomalyenge guungangala.

Onzonkundana yo Africa news oya lopota kutya ekutho miilonga olyeya sho pena omaipulo gomuule geidhopemo lyopapolitika momahangano gooveta omenene.

Ramaposa okwa tseyitha etokolo,tati opo okomisi yi longe iilonga a

yawo nuupu,okwa tokola okutula minister Mchunu pevi meendelelo ngaashi tashi vulika.

Tati minister okwa holola ta gandja elongelokumwe kokomisi opo yi longe nuupu.

Ramaposa tuulike Professor Firoz Cachalia a keelele ponkatu yuuminister wopolisi.

Mkhwanazi okwati Mchunu na Sibiya oya kuthapo oshikondo shoku kondjitha iimbuluma iinene,shoka kwali tashi konakona omadhipago ga kwatakanithwa kopolitika.

Omadhipago ngoka okwali giimanga komalyenge guungangala.

Ongundu dhoompilameno odha sheke etokolo lya Ramaposa okutula minister pevi,tadhidhi okwali ena ashike okumu tidha.