Oshongalele tashi tale keshonopaleko lelongifo lomakaya no malodu oshili metifa mo Windhoek

Minister wo nghalonawa no udjolowele okwa yeulula pambelewa oshongalele pukululo osho tashi tale kombinga yoku tala komilandu veta dinasha nekelelo lelongifo lo makaya no malodu .

Oshongalele pukululo osho tashi ningilwa mo Windhoek, sha hovela onghela  14-18 July 2025.

Oshongalele osha talika tashi tale koiningwanima inasha no minyonena ya etififwa kelongifo lomayaka no malodu noku talulula keetepo lo ishoshela yo kongulu moilandomwa yomakaya no malodu.

Olopota oyati Namibia  okwa pitifile oveta oyo taitale ketonatelo lomakaya mo  2010 noku itula moilonga mo  2014, noshilongo osha talika okudja modula aayo sha pondolapo oidjemo iwa mekondjifo le longifo lomakaya osho yoo shaningwa oku pitila pa yambidido lehangano  louhaku mounyuni WHO, olo latalika lakwafela menghonopaleko letulo moilonga lomafaneko moilongo ishunife pedu noku xulifapo elongifo lo kunwa omakaya.

Dr. Esperance Luvindao, eli ominister youhaku moshilongo pefimbo leyeululo lo shongalele pukululo okwa denga omufindo kutya kakele komafaneko oo atulwapo oku kelela elongifo loikolwifa no makaya onghalo no upyakadi wa etififwa koindulukomwa aayo onghee tuu ili eshongo la kula la taalela oshikondo shouhaku nokweetififa omikifi oshoyo omafyo mokati koshiwana.

Okwati natango shihapu osha pumbwa oku ningwapo unene tuu moku talulula koveta i nasha noishoshela yo kongulu moilongomwa ayo, opo shi shololife oshiwana elongifo lo makaya no malodu.