Ofitola yo Shoprite mondjila ya Monte Christ mo Windhoek ya yukwa oimaliwa keengangala

Ofitola yo Shoprite oyo taihangwa mo Monte Christ Road mo Windhoek, okwa lopotwa ya ponokelwa keengangala onghela ongula noku yukwa oshimaliwa shifike pee N$110,000  

Olopota yopolifi oyati ovafeekelwa veli 2 moshiningwanima pefimbo veya oku ponokela onele umwe okwali atya ekatana na mukwao oshilwifo shombisitori naashi vanyeka oimaliwa ova fadukapo kolupadi.

Oo eli omunambelewa wopolifi yelelo lo shilando sha Windhoek Superintendent Katrina Namboga, okwa koleka oshiningwanima ko i kundaneki tati omakonaakono otaa pula komesho nokwa pula oshiwana shikwafele moku yandja ouyelele oo taudulu oku mangifapo ovafeekelwa.

Okwati oPolice ota iningi omakonaakono oku tala ko CCTV opamwe yoo no vanambelewa ovo veli kolupadi oku mona opo tapu hangwa ovafeekelwa.

Okwati pefimbo lo shiningwanima kapena oo amonifwa oshiponga no kapena oo atulwa moipandeko.

Omunambelewa okwa twa yoo omukumo eengeshefa no shiwana shikale okamutwe vadu kombinga yeengangala odo da hapupala paife.