Eumbo la Imms Mulunga, leliteyela eembudi pefimbo eli metonatelo lopolifi

Eumbo lao ali nale omunambelewa omukulunhu mehangano lomahooli moshilongo (Namcor)  Imms Mulunga, okwa lopotwa leliteyela eembudi onguloshi yadjako.

Mulunga eumbo laye ole liteyela eembudi pefimbo eli metonatelo lopolifi,  omolwo omatamaneko okulunga noku litapula oo ataalela opamwe na vakwao 9.

Oo eli omupopiliko wopaveta wa Mulunga, Francois Bangamwabo, okwa lombwelwa magistrate Linus Samunzala, nena momangu kutya okamona kadona ka Mulunga oko kemulobwela kombinga yeumbo olo tali hanwa mo  Klein Windhoek kutya ola ponokelwa keengangala onguloshi yadjako.

Bangamwabo okwati eembudi oda longifa oshinima shi heshiivike oku teta oitenda yomivelo deumbo noku teta yoo odalate yolusheno oku yamo meumbo.

Okwati mokati koinima aayo ya vakwamo keengangala omwa kwatelwa omukanda wokuya momalweendo (Passport), oukende vomaadi edimba, laptop yokaanha kaye no inima yoo ikwao imwepo.