Omunashipundi go Khomas Suicide Prevention Taskforce okwiindiile oshigwana nomahangano geya yambidhidhe

Shika osha landula epopitho lyopapangelo lyoshigwana lyoshitopolwa Khomas ndyoka lya holola iilonga yo Khomas Suicide Prevention Taskforce.

Omolwa ondjele yili pombanda yomaikuthomwenyo,o Khomas Suicide Prevention Taskforce oyeetwapo mo 2020 oku gandja  enongelo nelongo oshowo okutula miilonga omaidhopemo goku keelela omaihumbato gomaikuthomwenyo,oku hulithapo omaikuthomwenyo moshitopolwa Khomas.

Noyina aanipambuliko ya kwatelamo uuministeli wegameno niipambele yaakondjelimanguluko mokati komahangano gamwepo.

Ta popi no Nampa omandaaha,omuhungimwenyo muuministeli wuundjolowele nokuli omunashipundi go KSPT Tuhafeni Talia okwa fatulula kutya oya taalela omashongo,ta holola kutya ohaya yambidhidhwa ashike ko Debmarine Namibia,niiyakulithi yoku mbalipaleka oombaapila.

Tati ompumbwe yoshimaliwa otayi ngambeke iilonga yehangano.

Tati oya pumbwa iinima ngaashi oo laptops,oo projectors ,iipundi,iitaafula,nuutala womunzile.

Omupopiliko guuministeli wuuhaku Walters Kamaya okwa lombwele o Nampa kutya uuministeli owa taalela omashongo ngaashi oshimaliwa,noku ngambeka egandjo lyoshimaliwa komahangano gopashitopolwa ngoka taga longo kohi yehangano lyopashigwana.

Tati shampa oshimaliwa sha monika,uuministeli otau ka shilipaleka kutya iitopolwa ayihe oyina iilongitho yelongo noyuulele okugandja enongelo kiigwana.