Ovatamanekwa va 2 va wedwapo moulunga wehangano lo Namcor vaholoka momangu

Connie van Wyk oshoyo  Austin Elindi, veli ova feekelwa va 2 vawedwapo moshikumungu shoulunga womahooli  vamangelwepo omandaxa,  nena ova holoka komesho yomangu ya magistrate mo Windhoek.

Austin Elindi oye mwene wehangano lErongo Petroleum,  ehangano olo takutiwa olina oshimaliwa shomukuli wehangano lo Namcor  N$200 million, konima eshi ladopa oku wanifapo eemango dehangano lomahooli osho leshininga pakwafelo no vanambelewa ovakulunhu kwali mehangano lo Namcor.

Van Wyk oo yoo naye eli omutamanekwa oye omunambelewa omukulunhu wehangano lo Enercon, ehangano olo lili momusholondodo womatamaneko oulingilingi shalandula eshi takutiwa ola landa oitashii yomahooli ili 9 kehangano lo Namcor okudja ko Enercon, oitaashi oyo yatalika kutya oili nale yo uministry wetanga leameno.