President Netumbo Nandi-Ndaitwah apula opo oshikundafanwa shomilandu veta doikwamina sheendelelifwe

President Netumbo Nandi-Ndaitwah  okwa pula opo oshikundafanwa shinasha neemina shimanifwe meendelelo tati omakateko otaa dulu okuya moshipala ovapunguli noku eta ekanifo nelineekelo moshikondo shoikwamina.

Moshipopiwa osho sha leshwa ponele yaye pefimbo loku yeulula oshongalele oshoyo omaulikilo oipindi oikwamina moshilando pangelo,  omuleli wa Namibia okwati elandulafano lipe lo shikundafanwa shoikwamina otali ka kala la yandja efano layela kombinga yoikwamina ya Namibia, ikale ishi oku litangelwa okashila noku kwafela  oku kandulapo eemumbwe da taalela oshiwana pefimbo eli.

Shelikwatelela ku president, okwati oveta ipe yoikwamina ota ika yandja omifindalandu wayela kombinga yanghene ee licenses dina oku yandjwa naavo vena oku dipewa oshoyo omalombwelo oo vena oku landulwa, osho tati  osha kwatelamo ovanhu  moshilongo oshoyo ovapunguli okudja pondje yoshilongo.

Elidopemo lomupresident moshikundafanwa shoikwamina oleya konima eshi Namibia, atulwa ponghatu yo pombada oku nduluka oshilongomwa shapumbiwa sho uranium oshoyo oshingoli mokati koilyolongo younyuni.

Okwati eyeulululo lomina yo Langer Heinrich oshoyo eeprojeka do Tomas and Etango odili edidiliko letungululo loshikondo sho shilongomwa sho uranium, noku kokololela moshilongo ovapunguli okudja pondje.

Namibia pefimbo eli okuli  ponomola oni 3 moilyolongo younyuni oku etapo oshilongomwa sho uranium.