Ominista yomauyelele Emma Theofelus ohela okwa tamekitha pambelewa omulandu eendithi go National Digital Strategy (NDS) no  National Emergency Telecommunications Plan (NETP)

o National Digital Strategy (NDS) otayi lalakanene oku longa onga omulandu eendithi gwehumithokomeho lyopaungomba lyoshilongo,noku yambidhidha eyambulepo lyopaliko nkalathano nomudhingoloko oku pitila momadhilongo giikalekelwa gopaungomba.

Omanga o National Emergency Telecommunications Plan tayi enditha omakwatathano netopolo lyuuyelele kiiponga yopaunshitwe.

Notayi kwatele wo komeho etulomiilonga lyomilandu dhomakwatathano oku yamukula kiiponga yopaunshitwe mepangelo ,moshigwana nommahangano gopaumwene nogepangelo.

Momushangwa gwa gandjwa peha lye pethimbo lyetamekitho mo Windhoek,Theofelus okwa holola uuwanawa wo NETF.

Tati otayi ka vulitha hwepo eenditho,eyamukulo lyopandjungu,nokuvula kopashigwana kwa kola oku gamena aakwashigwana nomakwatathano uuna iiponga ya holoka.