Omupevi president Lucia Witbooi okwiindiile o AI yi longithwe onga oshilongitho shoku nkondopeka ,peha lyokuyi longitha pambambo miigwana iivalelwamo.

Nokwali ta popi mesiku lyo International Day of the World’s Indigenous Peoples lya tyapulilwa ko Tsumeb kohi yehuku:‘Indigenous Peoples and AI: Defending Rights, Shaping Futures,’molyomakaya.

Tati o AI inayi longithwa oku longitha pambambo,oku pukitha nenge oku taandeleka omaitaalo ga puka kombinga yaavalelwamo ,ta dhenge omuthinndo kutya o AI nayi yamukule kuukwashili wa taalela iigwana mbyoka.

Omupevi presitend tati iigwana iivalelwamo nayi nkondopekwe noonzo,oompito nowino, oku yambulapo oonakuyiwa dhawo,noku kalekapo oohedhi ,oongushu nuuthemba wawo.

Shiikwatelela ko Nampa,Witbooi tiindiile wo enongelo olindji nesimaneko lyuuthemba waavalelwamo,ta holola ompumbwe yiiyetwapo tayi kwatelwa komeho koshigwana oku gamena uuthiga wawo.