China na Brazil vakundafana kombinga yoku xulifapo oita pokati ka Russia na Ukrain

Omupresident wa Brazil Luiz Inacio Lula da Silva, opamwe no mupresident wa  China  Xi Jinping,  ova tulilafanako keembiya  oku pitila pangodi oku likunda kombinga yo ikundafanwa ya fimana oyo ta i lalakanene okweeta ombili pokati ka Russia  na  Ukraine.

Oikundaneki oyati ombelewa yomuprsident wa Brazil  oya ulika kutya pefimbo leenghundafana odo da kwata oulefimbo wovili imwe,  ovaleli voilongo yo pavali ova tala kwaasho tava dulu oku ningapo opo ku hangwe ombili kombinga yonghalo yoku hena engungumano pokati ka Russia na  Ukraine.

Ovaleli ova yelifa yoo kombinga yefimano lehangano lo ilyolongo yo G20 oshoyo BRICS oo a talika onga eengudi domulandu woku longela kumwe moku hanga ombili paiwana.

Pefimbo leenghundafana davo president Lula,  okwa lopotwa eshiyelifa nghene euditile nawa   China kombinga ya nghene ta dana onghandangala momalilongekidilo oshongalele oshi  30th shinasha no milandufaneko delunduluko longhalo yomepo mehahangano loiwana yahangana  (COP30) oshoyo natango meenghendabala daye doku kondjifa omikalo odo tadi etififa elunduluko longhalo yomepo. Menyamukulo laye Xi Jinping, tapopi nghene China ta ka kalelwapo moshongalele sho COP30, osho tashi ka kala ko  Belem,  tashi kakufwa ombinga kovanambelewa vopombada moilyolongo nokwa ulika nghene elitulamo no kuna ehalo oku longela kumwe na  Brazil, oku kwashilipaleka kutya oshongalele osha hanga efindano lasho.