France a gandja omukanda mangepo komupresitend gwa Syria

Atamaneki konakoni ya France oya gandja omukanda mangepo komupresitend gwa Syria Bashar Al Assad ,mumwayinamati Mare Al Assad,naanambelewa yalwe yaali yopombanda ,omolwa elongitho lyiilwitho yiindiikwa ,kaakwashigwana mo Syria.

Onzonkundana yo AFP nena oyati oonzo dhopaveta odhati omikanda mangepo odha landula omakonakono miiponokela yiikwalute moshikandjo eastern Ghouta  mu August 2013,mbyoka ya faalele oomwenyo dhaantu ya konda 1 000.

Syria mo 2013 okwa zimine okuwayimina o Organisation for the prohibition of chemical weapons,noku hulithapo elongitho lyiilwitho ayihe yiikwalute.

No OPCW oya gandja ombedhi ku Syria okulongitha iilwitho  ya nika oshiponga pethimbo lyiita yopashigwana,mwa kwatelwa elongitho lyomuku go Sarin.

Syria shika okweshi tindi,nosheetitha wo omanyenyeto gopaveta mo Germany,nomiilongo yilwe ya Europe.

Iita yopashigwana mo Syria oya tukuka mo 2011,noku faaalela aantu yeli petata million.