Omupresident Netumbo Nandi Ndaitwah tapopile ombili yoilyolongo yo SADC ikalekwepo

Omupresident Netumbo Nandi Ndaitwa okwa denga omufindo nghene Namibia elitulamo moku nghonopaleka ovakainhu noku popila ombili mokati ko i lyolongo ya Africa.

President Netumbo Nandi-Ndaitwah edi okwe dipopya moshipopiwa shaye pefimbo lo shongalele oshi 45th sho i lyolongo yo SADEC osho  shali metifa ko Madagascar.

Omuprsident okwa longifa omito oku yandja efimaneko komukokoli wa Namibia  aka nangala nale Dr. Sam Nujoma, no kwa tuma yoo omahekeleko ko shilongo Zambia, South Africa, Eswatini, oshoyo natango ke hangano lo  SADC,  omolwo ovaleli no vanambelewa vavo ovo va tembukamo mounyuni omu.

Okwati Namibia onghee ta twikile noku kwatelela komesho omakanghameno atulwapo enasha  nefikilo loilyolongo yo  SADC no kwa pula oilyolongo ilitulamo momikalo do kweetapo oikulya, oku etapo eemito doilonga, omatungululo,  elongifo lo paungoba oshoyo natango nghene sha fimana moku yandja ongushu keendjo do paushitwe osho tati osho ashike tashi dulu oku shunifa pedu ondjele yo luhepo n okweetapo eemito doilonga.

Omuleli wa Namibia okwa popya yoo kombinga yombili neameno, tati omayambulepo taakalele itaa dulu oku kalapo ngenge oilyolongo kaina ombili ta yandje oshiholelwa shonghalo yomakuyunguto ta i linyenge mo DRC,  nokwa ulika yoo olupandu koilyolongo yo SADC oyo ta yuulike eyambidido layo mokweetapo ombili moshilongo omo.

Omuleli wa Namibia okwa pula oilyolongo ihangane moukumwe umwe no ku tulapo eenghendabala doku liyambulapo opo ombili neyokomesho i pule komesho.

Oshongalele oshi 45 shoilyolongo yo SADC oshali sha  unganekwa koshi yexuku ‘’Okudjekapo omaxumokomesho, okweetapo elunduluko mounafaalama oshoyo oku lundulukila moikwanghono ya yela mouwa woku pameka oilyolongo yo SADC.