Oshongalele sho nakwiiwa yo vanangeshefa osha hovela nena mo Namibia.

Oshongalele Nedbank Future of Business Conference,  ota shiningilwa ko Droombos, Windhoek.

Oshongalele osha talika tashi lalakanene oku upika ovawiliki veengeshefa va Namibia opo shivakwafele momikalo odo tava dulu oku longifa moku henuka onghalo yeliko ta lishongola.

Tayandje oshipopiwa shaye ongula yonena oo eli omunambelewa omukulunhu wo  Nedbank Group, Jason Quinn,  okwa denga omufindo nghene shafimana kelongifo lopautekinology oshoyo natango omikalo dipe deyambidido lo shimaliwa moku djekapo noku yu kililifa eyokomesho leengeshefa.

Okwa popya nghene eengeshefa da Namibia odo dili ekipa lakula olo likwetelepo eliko lo shilongo no kweetififa omatungululo oo taxumifa komesho oshiwana.

Jason okwati Nedbank,  okwe litulamo oku nghonopaleka eengeshefa dova Namibia oshoyo okweendela pamwe no malunduluko oo taa didilikwa mounyuni.

Oshongalele osho sha unganekwa ko Nedbank oshili tashiningwa pa yambidido no mahangano ayooloka omo mwa kwatelwa ehangano lo ikundaneki mo Namiba Future Media, Aurik, Droombos, Salt Essential IT, Fly Namibia, oshoyo Africa Personnel Services (APS).