O Rossing Uranium oya tumu aailongi yatatu yaka ilongele o Nuclear Energy ko China

O Rossing Uranium oya pe aailongi yatatu oo bursaries yaka ilongele omailongo go Masters mo Nuclear Energy ko Harbin Engineering University mo china.

Olili ehangano lyotango tali yamukula keindilo lyomupresitend Netumbo Nandi Ndaitwah opo Namibia a yambulepo okuvula kwe ko Uranium noku tunga owino ya pumbwa mo Vision 2030.

Poshituthi laleko sha ningilwa ko Swakopmund, o Rössing’s Human Capital General Manager Liezl Davies okwati aailongi otaaka wayimina wo oopolohalama yambulepo noku mona otseyo komandiki go China National Nuclear Corporation .

Teli hokolola onga epungulo monakuyiwa ya Namibia yiikwalute.

O Rossing oya tseyitha wo kutya aalongwa yane aagundjuka otaakaya ko China omwedhi taguya nopolohalama yomasiku 10 go Gen Z Youth Exchange Programme, tayi tala kuudhindoli,uu teginology,netopolo lyoohedhi.

Ngoloneya gwa Erongo Natalia Goagoses okwa tumbaleke osheetwapo onga eitulemolya Namibia mehumokomeho,omanga aanambelewa yo Rossing yuuvaneke eyambidhidho nendungiko tali tsikile oku shilipaleka kutya aailongi uuna ya galuka, oya pyakudhukwa oku kutha mbinga monakuyiwa yoshilongo.