Ehangano lyo Nampower olya gandja iilongitho yelongo noyuuhaku yongushu yoodola 570 000 kiiputudhilo moshitopolwa Omusati na kunene.

O Nampa oya lopota kutya Iinima oya gandjwa ohela ko Ruacana,noya kwatelamo omambo gongushu yoodola 300 000 gaalongwa yooondondo dho Junior primary moshitopolwa Kunene,omatalashe 35 gomuhandjo goskola ya Uahekua Herunga primary school,no ambulance yina iilongitho yuuhaku  yongushu yoodola dha thika 240 000 yendiki lya Omona Watjihozu Health Centre.

O Nampower oyati osheetwapo oshili oshitopolwa sheitulemo lyawo oku yambidhidha elongo nuuhaku.

Omukuluntu guuhaku moshitopolwa Omusati Alfons Amoomo okwa taambako omagano,ta holola ompumbwe yeendelela yoo ambulance dhishi okwiinekelwa ,oku nkondopeka eyamukulo lyopaulumompumbwe moshitopolwa.