Oku ndjondjela omahooli okuza ko Angola okuya moshilongo ohashi kotha epangelo oodola oomilion 300 mekanitho lyiifuta yokongulu kehe omumvo

Shika osha hololwa ku Anna Libana,o Director of Energy Fund,pethimbo lyoonkundathana komauliko giipindi ga Ongwediva.

Tati ondjele yomahooli konooli yoshilongo oya gwa pevi okuya poo % 40 muule woomvula ntano dha piti,omolwa okweeta moshilongo omahooli shaali paveta.

Libana ta londodha kutya omukalo ngoka otagu tula moshiponga engungumano lyopashimaliwa,egameno lyiikwankondo,negameno lyaanambelewa yegameno ,omanga tashi nkondopeke wo okuvula ko National Energy Fund oku kaleka oondando dhomahooli dhi thike pamwe moshilongo.

Pokati ka Jan 2024 na May nuumvo,opolisi moshitopolwa Oshana oya kwatako oo liter dha konda 776 000 dhomahooli ngoka ga ndjondjelwa moshilongo,gongushu yoodola oomilion dhili lopo 17.

Tati omahooli ngoka ga ndjondjelwa moshilongo ohaga pungulwa koosasiyona dhopolisi ,noku eta omudhingoloko gwa nika oshiponga.

Uuministeli woonima niikwankondo owati onkatu yeendelela oya pumbiwa oku kondjitha iipindi mbyoka,tayi tsikile okutula moshiponga eliko lyoshilongo.