Omupresident Netumbo Nandi Ndaitwah okwiindiile epungulo olindji momapekapeko okwaadha egameno lyoondya

Omupresident Netumbo Nandi Ndaitwah okwiindiile iiputudhilo yuunafalama yi ninge oshilalakanenwa omapekapeko opo yi kondjitha okwaahena egameno koondya,nokwaadha oku kala ya hupila muyoyene.

Ta popi sho a talelepo oshiputudhilo sha Unam Ogongo Campus ohela,omupresident okwa dhenge omuthindo kutya omapekapeko gomondjila oga simana oku gwedha ongushu kiilongomwa yuunafalama.

Tati okwa tokola oku talelapo omahala hoka haku longwa iikulya,okuya vulitha ya yamukule koompumbwe dhaantu.

Ta nongele kutya oku pungula momapekapeko osha simana oku yamukula oluhepo ,nokwa holola egwameno niilonga yili metifa kogongo Campus.

Omupresident,shiikwatelela ko Nampa okwa thaneke omukalo omukalo moka oshipambu shontumba,ngaashi oo % 70,tashi gandjwa komapekapeko,oo % 30 okelongo,noo % 10 kekwatathano lyoshigwana ngele Namibia okwa hala a kale a hupila muye mwene ngele tashiya kelongo lyoondya. Ta holola kutya omukalo nguka otagu ka lundululila iilongomonwa yuunamapya miilongomwa yongushu,okweetapo oompito dhopaliko dha kola noku yambuapo elongo lyoondya