Prime minister Elijah Ngurare ohela okwa patulula pambelewa omauliko giipindi omati 17th go Okakarara Trade fair,ngoka ga tameke omandaaha.

Ngurare moshipopiwa she okwa tumbaleke ekoko tali tsikile lyomauliko giipindi ga Okakarara,tati omauliko ngaashingeyi ogeli ponomola ontiyali ngele tashiya  kokuunganekwa nawa noku kuthwa ombinga nawa moshilongo,ga landula omauliko giipindi ga Ongwediva.

Tati okwa nyanyukwa oku mona omauliko ngoka ga totwapo mo 2006 taga tsikile oku koka,noku iyambulapo okuya medhidhiliko lyenkondopeko lyaanafalama yiimuna moshitopolwa.

Omauliko giipindi ga Okakarara ogeli kohi yehuku: ‘Digital evolution and transforming businesses in the digital age’,

Ngoloneya goshikandjohogololo Okakarara Ramana Mutjavikua peha lye,okwiindiile aanafalama yomoshitopolwa oshowo aanangeshefa ya longithe ompito ndjika nokuya pamwe oku tunga omakwatathano gopangeshefa nayakwawo.

Omunashipundi gOkakarara Trade Fair Society Enerst Katjiku okwati omauliko giipindi gonuumvo oga nana aauliki 130,no 46 yaza mo category komahangano,o 49 aanangeshefa aashona noyopokati,no 27 taya landitha onyama,naya 8 yeli mongundu yomainyanyudho gaanona.

Omauliko otaga hulu osondaaha,nokwa tegelelwa ga nane aatalelipo ya konda 7000 shiikwatelela ku Katjiku.