Oshikondo shouhaku moShikoto tashi kondjifa omukifi woMalaria

Omukalelipo woshikondo shomukifi wo Malaria moshitopolwa shaShikoto , Vilho Nuunyango,  okwati oshitopolwa oshili  shelitulamo moku xulifapo omukifi wo Malaria moshitopolwa nonande vataalela omashongo.

Nuunyango edi okwe dipopya pefimbo atalelapo oo eli ngoloneya woshitopolwa sha Shikoto  Penda Ya Ndakolo onghela.

Nuunyango tayelifile ngoloneya pefimbo leenghundafana davo kutya oshikondo oshina elitulemo moku hanga omalalakano findano aeshe oo atulwapo oku xulifapo omukifi woMalaria moshitopolwa shaShikoto.

Oo eli omunambelwa kulunhu moshikondo shouhaku womidingonoko moshitopolwa , Padelia Ngenokesho, okwa yandja olopota kutya  ovanhu vefike po 11 000 moshilongo ashishe ovali vaningwa oihakanwa yomukifi woMalaria,  omo 300 vadja moshitopolwa sha Shikoto omudo wadileko.

Okwati omuvalu waavo vaningwa oihakanwa momudo woneudo owafikama po 186 ashike okwati vamwe vomoo nakuningwa oihakanwa yomukifi oveyamo nao okudja koitopolwa imwepo yoshilongo oshoyo okudja poshi shii ndalongo po Angola.

Okwati opena yoo omumbwe opo epangelo litulapo omilandu dinasha novanhu ovo hava ende okudja moAngola,  oku kwashilipaleka kutya omukifi woMalaria owa kelelwa.

Ngenokesho, talongifa omito okupandula ouminsity wouhaku meenghendabala dao doku yandja omakwafo ouhaku kovanhu vaningwa oihakanwa yomukifi woMalaria.

Nande ongaho okwa yandja oushima koo hadimwe ovo hava pewa omakwafelo eenete doku likelelifa keemwe ndee ohave kedilongifapo onga eenete doku kwatififa eeshi, nokwa pula ovo have shiningi vakale veshi xulifapo.