O MVA Fund otayi talulula ooveta dhawo dhimwe,mwa kwatelwa oveta ndjoka hayi kuthako oo % 50 koshimaliwa hashi futwa mboka ya monena iiponga moohauto dhaahena omapaya nenge oohauto dhomakangwa

Oshiketha shiiponga yomoondjila o MVA Fund ohela oya thaneke omalunduluko ko MVA Fund Act 10 yomumvo 2007,mwa kwatelwa oku kuthapo ekutheko  lyoo % 50 dho claim yoshimaliwa shoshiponga sha kwatelamo ohauto yombaki nenge yekangwa,mokati komalunduluko gamwe.

Shika osha hololwa komukuluntu gomayakulo gopaveta mo MVA Fund Fenni Nashilundo pethimbo lyoonkundathana dhomalunduluko ga thanekwa dha ningilwa mo Windhoek.

O MVA Fund policy yongaashingeyi ohayi pitika ekutheko lyoo % 50 dhoo claims dho  loss of income and Injury grant  dhiihakanwa ya monena iiponga moohauto dhaahena omapaya mwa kwatelwa kekwanga lyohauto.

Nashilundo tati oondjila dhokuushayi,hoka iiyenditho mbyoka oyo unene hayi longithwa,oshili oshidhigu oku ninga oshipotha shopaveta kutya omufaalelwa oye ena ondjo moshiponga kombinga yimwe.

Tati opena omahala gamwe moshilongo itoo vulu oku thikako inoo longitha ohauto yekangwa,naasho pwa kala enyenyeto lyoshigwana,otaya kambadhala oku kuthapo engambeko ndyoka.

Ta dhenge omuthindo kutya elundululo itali popile oku londeka sha piitilila,ta longele kutya omulandu gwaafalelwa yahamano kekangwa ogo ashike gulipo.