O EU Delegation okwali ya tsakanene naanashipundi yuukomitiye woopalamende ,oku topola omayele kuukumwe wa Namibia no EU

Oonkundathana okwali dha tala keyambulepo lyopaliko nolyopankalathano lya Namibia,uuthemba womuntu,oshowo iipambele yilwe.

Etumo olya kwatelwa komeho ku Barry Andrews,omunashipundi gokomitiye niilyo yilwe,pamwe na Hilde Vautmans,omunashipundi gosheendo shopaalamende ya Europe ko Africa-EU Parliamentary assembly.

Oonkundathana odha tala wo koku yamukula iilalakanenwa iinene,mwa kwatelwa eenditho lyiipindi,oku kondjitha okwaaha  longa nuuyuki,niinyangadhalwa yilwe yaali pauyuki,oku nkondopeka elongelokumwe lyuuyelele, negameno lyomauyelele nomakwatathano gopaungomba,oku yamukula okwaahena iilonga mokati kaagundjuka,nokuuungaunga niilanduli yomatembu gokuza kuushayi okuya koondoolopa.

Oonkundathana odha dhenge wo omuthinndo esimano lyeitulemo tali topolwa lya Namibia no EU,oku nkondopeka elongelokumwe oku yambulapo ehumokomeho tali kalapo,epangelo ewanawa ,nekoko tali kwatelemo.