Omupedu president wa South Sudan, ataalela epangulo opamwe navakwao va 7

Omutivali president wa South Sudan  oo akufwa moilonga pakafimbo okwa holoka komesho yomangu onghela koshi yetonatelo lovanambelewa veameno.

Riek Machar,  okwa holoka komesho yomangu opamwe no vatamanekwa pamwe naye veli  7.

Oikundaneki oyati okwa holoka oshikando shotete komesho yoshiwana konima eshi akala eli metonatelo lopolifi meumbo laye okudja mu March.

President Salva Kiir  okwa kufile moilonga Machar, onga omupedu waye omwedi ou, konima eshi omalelo ouyuuki emutulilamo omatamaneko enasha noibofa yoiponokela ya holokele moshilongo osho kuyele neudo.

Machar opamwe no vatamanekwa vakwao va 7, ova talela omatamaneko oimbuluma osho sha kwatelamo omadipao, oukulo, elongifo nayi lomaliko oshiwana oshoyo elongifo pambabo lo maliko etanga leameno.

Epangulo lavo ola hovela moshilando Juba, nola ulikwa yoo okupitila koradio yomudidimbe yopashiwana.

Nande ongaho omunaveta elilepo Machar, okwati omupedu president ita dulu oku pangulilwa omatamaneko oo atalela,  molwaasho ota shii pomunghulo eudafano twokumwe olo latulilwepo pokati kaye no mupresident Kiir,  olo la etififile exulifepo loita yo pashiwana yali ya twaalelifa eemwenyo dovanhu vefike po 400,000 mo South Sudan.

Eudafano ololo lali  lelikwatelela kelunduluko leenghono depangelo,  olo lakayandja eenghono opo  Machar, aningwe omupedu president woshilongo.