Angola adidilika eyopombada loiponga yomeendjila neudo.

Oiponga yomeendjila moshilongo Angola okwa lopotwa yatwaalela eemwenyo dovanhu vefike po 15 000 osho sha holoka pokati komwedi January fiyo October neudo.

Shelikwatelela kolopota yoshikundaneki sha China sho (Xinhua) oshati oshikundaneki shomoshilongo Angola shedina , Jornal de Angola,  osha lopota moshondaxa kutya edi oda etwa poluhaela kwao  eli omutivali president woshilongo,  Esperanca da Costa.

Metumwalaka linasha nefiku loku dimbuluka ovo vaningwa oihakanwa yoiponga yomeendjila mounyuni , Esperanca da Costa okwati,  epangelo olina omalimbililo manene kombinga yomuvalu uli pombada wovanhu tava ningwa oihakanwa yomafyo oiponga yeendjila taididilikwa omudo keshe.

Okwati okudja mu  January fiyo  October,  oiponga ifike po 12,069 oya didilikwa nokweetififa omalemano ovanhu vefike po , 2,607,  omanga ovanhu vefike po 14,950  vaxulifa okudja meendjila adishe doshilongo.

Efiku loku dimbuluka ovo vaningwa oihakanwa yoiponga meendjila ola tulilwe moilonga kehangano loiwana yahangana mo  2005, nohali dimbulukiwa alushe moshondaxa oshi 3 shomwedi wa November omudo keshe.