Namibia oteetapo o National Cancer control framework oku nkondopeka eyamukulo lyokankela

Omunambelewa kuluntu muuministeli wuuhaku Penda Ithindi okwa tseyitha kutya Namibia oteetapo o National Cancer control framework oku nkondopeka eyamukulo lyokankela.

Iithindi okwali ta popi ohela pethimbo lyo Cancer Genomics conference ,omutumba guunganekwa koshiputudhilo sho NUST kohi yehuku Harnessing Functional Genomics in Cancer Research: Opportunities for Diagnosis and Treatment.”

Omutumba otagu  kaliwa komukalelipo gwehangano lyuundjolowele muuyuni moshilongo Dr Richard Banda,aa professor,aapekapeki naailongi.

O Nampa oya lopota kutya okankela onkee yili eipulo lyuuhaku woshigwana moshilongo,niipotha iipe 4 000 hayi lopotwa kehe omumvo,sha kalelapo eindjipalo lyoo % 12 kehe omumvo.

Ithindi tati oku gandja omayakulo gongushu guuhaku,otaya etapo o National Cancer control plan oku nkondopeka ekeelelo,oku monikilapo kuyele,epango nenongonono.

Namibia okwa kala keehena omiyalu dhopashigwana dhokankela okuza mo 2019,noku thiga oshilongo shaahela efano lya yela lyoshilanduli shomukithi.

Omutumba gwa tameke metiyali otagu hulu ongula.