Trump na Netanhayu vatwakumwe okutulapo omafaneko mape ombili a US, talalakanene ombili mo Gaza

Omuprima minister wa Israeli Benjamin Netanyahu,  okwa lopotwa atambulako omafaneko okweeta ombili oo aetelwa poshitaafula komupresident wa US Donald Trump opo ku xulifwepo oita mo Gaza.

Omafaneko oo eli koshi yoitwa ili 20,  otaa lalakanene okweeta exulifepo lomalwoodi moshitopolwa sha GAZA, omo mwakala noku didilikwa oita oule womido tadi kelishilila pu 2 paife.

Mokati komafaneko omwa kwatelwa eeyeko loilwifo, emangulululo ne pangakanifo leengwatwa, ehomatukululo la Israeli oshoyo ongudu yo Hamas,  oshoyo elundululo leenghono tashiningwa pakwatelo komesho loilyolongo ashike ita shipula oshiwana shova Gaza  shi djemo momudingonoko omo.

Olopota oyaulika kutya ongudu yo Hamas opo natango ili  metifa loku talulula omafaneko aetwapo,  ashike omalelo a Palestina opamwe noilyo longo yo Arab oshoyo  European oo okwa ulika atambulako omafaneko.

Oita mo Gaza,  oya hovelele shalandula eshi ongudu yo Hamas,  yali ya ponokela Islaeli noku dipaya ova Islaeli vali vefike 1200 oshoyo oku kwatapo ovanhu vefike 251, oshiningwanima asho sha holokele mo 7 October 2023.

Okudaja kefiku olo omuvalu wova Palestine vedulife po 66,000 ova dipaelelwa moikolokosha yomo Gaza.