Bernadus Swartbooi, ahala ovatamanekwa vo fishrot vamangululwe

Omuwiliki wongudu yo LPM, Bernadus Swartbooi, ota pula opo ovatamanekwa moshikumungu shoulunga weeshi Fishrot,   vakale vamangululwa.

Swartbooi ota yandje oushima kepangelo eshi la kala noku idilila ovatamanekwa oulefimbo,  nonande kalina oumbangi uliwitikile waasho shevamangifapo.

Pefimbo loshongalele noikundaneki  sha ningilwa peembelewa dongudu  moshilandopangelo, Swartbooi okwa pula ahala ayelifilwe kutya omolwashike ovatamanekwa vo  Fishrot  veli natango modolongo,  tati oshikondo shoyuuki osha dopa filu oku wanifapo omulandu wopaveta ngaashi shina oku kala.

Swartbooi tapopi nghene o commisi yoku kondjifa oulingilingi moshilongo taipukifa noku kalififa ovatamanekwa mondje idililo oule wefimbo.

Okwa pula ovatamanekwa moulunga weeshi,  vakale vamangululwa,  molwaasho ota shuulike kutya epangelo ota likwatapo ashike ovanhu tali shiningi pehana omaumbangi.

Prosecutor general, Martha Imalwa,  mwaashi okwati epangelo kalinamosha momakateko epangulo lovatamanekwa moshikumungu sho Fishrot.

Imalwa teshi yelifa nghene omandilo omito yokulifutilamo oo hatulwamo ko vatamanekwa,  haaningwa komesho yoshiwana tati kapena osho shaholekwa.

Omunaveta  Dirk Conradie, okwati omakateko oshibofa shovatamanekwa moshikumungu sheeshi, okwa didilikwa omakateko molwasho ovatamanekwa ohava tulamo omalunduluko opaveta ayooloka , osho tati ota shiimbi eyokomesho lehovelo lepwilikino loshibofa.