Omupresident Netumbo Nandi Ndaitwah ohela okwali ayi moonkundathana naanafalama yopaipindi noyopamuhanga ya thika 300 moshitopolwa Omaheke

Omupresident Netumbo Nandi Ndaitwah ohela okwali ayi moonkundathana naanafalama yopapindi noyopamuhanga ya thika 300 moshitopolwa Omaheke,noku dhenga omuthindo oonkambadhala dhepangelo moonkundathana longelokumwe tadhi lalakanene oku tanununamo ompito yomalandithilo gonyama yongombe.

Omupresident okwati Namibia okuli omudhaninkandangala a simana momalandithilo gonyama yongombe muuyuni,eshiwikile ongushu yoongombe dha dhumwa  kohi yomikalo muno dhopaunshitwe.

Tati epangelo olili uupathi womashongo ga yooloka ga palemena aanafalama,

Ta gwedhako kutya otaya longo oku shilipaleka kutya onyama yongombe ya Namibia oyaadha omalandithilo gopashigwana,noku gandja uuwanawa kaanafalama nokeliko lyoshilongo.

Shiikwatelela ko Nampa,omupresident okwa holola wo kutya oshikondo shunafaalama osha kalelapo oshipambu oshinene sheliko lyoshilongo,hashi kutha ombinga noo % 4.6,nelalakano okwati oshikondo shi kuthe ombinga noo % 8 okuthika komumvo 2030,nelyengengushu lyiimuna niimeno tali dhana onkandangala ya simana.

Omupresident ta dhenge wo omuthindo esimano lyoshitopolwa Omaheke , sha simanena uunafalama woongombe meoindiko  lyomoshilongo nolyopashigwana.