A kwata okamonakadhona komimvo 15 noku ninga etegelelo moshitopolwa Omusati

Opolisi yoshilongo moshitopolwa Omusati otayi konakona oshipotha shekwatonkonga sho omulumentu a kala noku kwata onkonga okamonakadhona komimvo 15 iikando ya yooloka pokati komumvo 2023  no 2024 komukunda Onandjandja,noku ninga  etegelelo.

Komanda gopolisi moshitopolwa Komufala Ismael Basson okwati iiningwanima oya holoka momasiku nopamathimbo inaaga tseyika .

Okwa hokololwa wo kutya  omufekelwa okwa fala okamona komukunda gontumba ko Angola hoka  ka kala sigo ka pulumutha.

Oshiningwanima osha lopotelwa opolisi kuyina .

Nomakonakono gopolisi otaga tsikile.

Omufekelwa ina mangwapo,molwaashoka iizemo yomakonakono go DNA onkee ya tegelelwa.

Oshihakanwa nomufekelwa okwali hayazi megumbo limwe pethimbo lyekwatonkonga.