Eenghundafana dombili pokati ka Israel na Gaza oda eta etimaumbwile lietifa eenghono.

Eenghundafana do kweeta ombili odo daningilwa mo Egypt,  oda ulika elineekelo loku xulifapo oita mo Gaza, oyo fiyo opapa ya twaalelifa eemwenyo do vakwashiwana ova palestine vedulife po 67,000 no kweetififa yoo omaupyakadi moshitopolwa omo.

Omupesident wa U.S.  Donald Trump,  okwa shiivifa kutya, oshilongo Israel no ngudu yo Hamas ovatwa kumwe moshiluku shotete shomafaneko okweeta ombili osho sha kwatelamo okafudepo ko lwoodi noku mangulula yoo ovo vakwatwapo oshoyo ovanadolongo.

Eelopota oda ulika nghene ovapambele veenghwatwa  moshilando Tel Aviv, tava tyapula noku hambelela kefaneko olo latulwapo oku mangulula ovapambele vavo.

Oikundaneki oya lopota kutya o cabinet ka Israel, okwa teelelika ka kakufe ombinga moku hoolola shinasha neudafanotwokumwe osho tashi kaningwa meni lefimbo lixupi.

Nande ongaho olopota oyaulika kutya omaupyakadi manene natango onghee ina potokononwa, osho sha kwatelamo ngenge ongudu yo Hamas, ota ika homatukululwa oshoyo oku tulapo etokolo lao ena oku kwatela komesho oshitopolwa sha Gaza konima yomakuyunguto.

Momufindalandu oo watulwapo pefimbo eli, omwa kwatelwa elombwelo olo ta lipula opo ongudu yo Hamas ikale ya mangulula eengwatwa da Israeli difike po 20 dili metonatelo lavo, omanga omatanga eameno a Israeli oo apulwa elikufemo mo Gaza, osho sha talika onghatu yafimana oku homatukulula oku hovela nghene oita ya hovelele.