Oshiketha sho United Nations Population Fund-UNFPA- oshiindiile onkatu yopauyuni yina oonkondo oku gamena noku nkondopeka aakadhona

Oshiketha sho United Nations Population Fund-UNFPA- oshiindiile onkatu yopauyuni yina oonkondo oku gamena noku nkondopeka aakadhona,unene mboka haya kala momahala giikolokosha niikele,sho uuyuni tau dhimbulukwa esiku lyo International Day of the Girl.

Momushangwa gwa gandjwa komukuluntu wiliki go  UNFPA Dienne Keita ,okwati ehangano olyati aakadhona oomilion oya taalela oshiponga shegameno lyawo,elongo,nuuhaku, omolwa iikolokosha nuupyakadhi wopaliko.

Tati etata lyaagundjuka muuyuni ohaya kala miilongo ya taalela oondjele dhili pombanda dhiikolokosha,noku thiga aakadhona oyendji yaahena ompito yelongo lyopetameko nuuhaku wa simana,mwa kwatelwa omayakulo gopamilalo nogiilyo valithi.

Tati momidhingoloko dhika aakadhona oyo haya kala yotango oku kanitha omayakulo ga simana,nokuya tula  moshiponga shoondjokana dhaanona aashona nomiyonena dhuukashikekokantu.

O UNFPA tayiindiile omapangelo nokuume ya shilipaleke kutya keha okakadhona,inaashi tala konkalo yako,okena ehala lya gamenwa,nelongo lyopamilalo ,ndyoka tali ka kwathele oku taagulukila muukuluntu negameno.

Esiku lyo International Day of the Girl ohali dhimbulukiwa kehe omumvo mo 11 Kotoba,noku tyapula uuthemba,omapondolo,noku vula kwaakadhona muuyuni,noku holola wo omashongo ngoka taya tsikile oku taalela.