Namibia nena oshowo ongula otuunganeke o Silver Annivesary of the United Nations Security Council Resolution 1325 on Women,Peace and Security

 

Efano:The Namibia presidency

 

 

Etyapulo ndika olya talako onkandangala ya simana yaakiintu moku tunga noku kalekapo ombili.

Omupresident Netumbo Nandi Ndaitwah okwa dhimbulukitha uuyuni kutya ewiliko lya Namibia maakintu,ombili negameno, olya tameke nale komeho yomuumvo 2000.

Nolya tungilwa mokuvula kwaakiintu aa Namibia mboka ya kondja naalumentu pethimbo lyekondjelo manguluko ,noya thikama piitaafula yoonkundathana yiigwana yahangana.

O Resolution 1325 oya tungilwa koongudhi dhili ne,dhoka dhili ekuthombinga,egameno,ekeelelo,neyaluko.

Tatti oongudhi dhika nadhi tu dhimbulukithe kutya aakiintu kayeshi iihakanwa yiikolokosha ashike aayeli yombili.

Omupresident ta tsikileko kutya Namibia ota tsikile oku kala oshiholelwa.

Noshilongo shuunganeka o AU Peace and Security Council High Level Seminar,ndjoka yeyapo mo Swakopmund Process,noku indila ekalelepo olindji lyaakiintu miikumungu eenditho noyombili.

Namibia okweetapo wo o International Women Peace Center oku longa nookuume kopashigwana oku humitha komeho o Women,Peace and Security Agenda.

Omupresident okwa holola wo ompumbwe yoku nkondopeka aakiintu aagundjuka oku fala etumo ndika komeho,noku shilipaleka ombili tayi kalele, oku pitila momalongelokumwe gomapupi nomapupi.

Teendulula wo uukwawanankali naakiintu ya gumwa kiikolokosha mo Palestine,Western Sahara,nomu Africa,noku indila ombili,uuyuki nesimaneko.