Omunapolitika Elia Kaiyamo okwiindile uukumwe mongundu yo SWAPO komeho yomahogololo gomalelo giitopolwa niikandjohogololo

Omukalelipo shilongo omukulu ko China Elia Kaiyamo okwiindiile uukumwe newiliko ewanawa ,ko rally oonshona yuunganekwa koshitayi sho SWAPO ,sha Iipumbu yaShilongo  moshikandjohogololo sha Malinda yomondoolopa olyomakaya.

O rally okwali ya kaliwa kengathithi lyiilyo yongundu,mwa kwatelwa ngoloneya ga Hardap Riaan McNab.

Kaiyamo ngoka kwali ha kalelepo oshilongo ko China okuza mo 2016 sigo August nuumvo, okwa pula iilyo yongundu yi kale ya hangana noku hogolola aaulikwahogololwa yomondjila, momahogololo gomalelo giitopolwa niikandjohogololo taga ka ningwa mo 26 omwedhi taguya.

O  Nampa oya lopota kutya Kaiyamo okwati oya hogolola omupresident Netumbo Nandi Ndaitwah omolwa etompelo oku lela oshilongo oomvula ntano dhili komeho,ashike ita vulu okushi pondola oye awike.

Tati okwa pumbwa ookamusela mboka tayemu yambidhidha okutula miilonga o manifesto yongundu.

Nosho nee ati osha simana okuulika omuulikwahogololwa yeli mondjila mboka taa yakula aantu.

Kaiyamo ta dhenge omuthindo kutya omilandu nomalalakano go SWAPO oga yela,tati o manifesto yongundu oya tothamo omalalakano gehumokomeho moshilongo,noyina okutulwa miilonga kaaleli yopaitopolwa noyopaikandjohogololo mboka taya vulu, noyena eitulemo.