Ompangela yombili mo Gaza oyili miilonga sha landula iikolokosha mehulilo shiwike

Etanga lyopakwiita lya Israel olyati ompangela yombili mo Gaza oyayi miilonga natango nena,sho kwali ya hulithwapo konima yoshiponokela shoka sha dhipaga aakwiita yaali ya Israel, noku etitha iiiponokela yamukulo mbyoka aanambelewa ya Palestine yati oya dhipaga aantu 26,mwa kwatelwa omukiintu nokanona.

Israel okwati iiponokela oyodheke ookomanda yopevi yo Hamas,aakwiita,omakololo moka haya holama,noo depot dhiilwitho ,sha landula shoka yati epogolo lyopangela yombili,sho aakwiita yo Hamas yuumbu aakwiita ya Israel.

Oshiponokela shimwe okwa lopotwa sha dhenge oskola kwali,yeedhilila aakwashigwana ya tulululwa ,mo Nuseirat.

O reuters oya lopota kutya omupresident gwa America Donald Trump ngoka eenditha ompangela okwati etsokumwe onkee lili miilonga,nokwa thaneke opo ewiliko lyo Hamas lyaaha kuthe ombinga momapogolo.

Tati onkalo otayi ka ungauingiwa nayo sha kwata miiti ,ashike omondjila.

Omakwatho okwa tegelelwa ga tameke okuya mo Gaza nena,omolwa ethindakano lya America.

Lopokati mpoka,o Hamas oyati onkee yiitulamo mompangela yombili,tayiti kayili uupathi niikolokosha mo Rafah.

Omutumwa gowina gwa Trump Steve Witkoff noshitenya sha Trump Jared Kushner oya tegelelwa koonkundathana mo Israel,sho Washington ta tsikile noonkambadhala dhoku kalekapo ompangela yombili.