Aaleli yopamuthigululwakalo oyena uutile kutya ontotwaveta yevi otayi keya kutha ekondololo lyevi lyopamuhanga

Efano:The Namibian via website

 

 

Omunashipundi gwelelo lyomalelo gopamithigulukwalo Chief Immanuel Gaseb metitatu okwa holola etindo enankondo ko Land Bill ndjoka tayiikundwa megumbo lyopashigwana,tati aaleli yopamuthigululwakalo itaaka ka yambidhidha oveta.

Ta popitha okomitiye yopaalamende yinasha neyambulepo lyokomikunda noondoolopa nomatululo gomavi,Gaseb okwa sheke uutendo wontotwaveta meenditho lyevi lyopamuhanga ,tati otau keya kutha oonkondo.

Tati ,ontotwaveta ya tulwa megumbo lyopashigwana kominista yuunamapya,Inge Zaamwani Kamwi mu Sept oya pogola o Council of Traditional Leaders Act yomumvo 1997.

Okatendo okati 15 koveta ndjoka okuutha kutya kehe oveta ya thanekwa ya guma evi lyopamuhanga oyina okupewa o Council of Traditional Leaders ya tulemo omagwedhelepo gawo ,omanga inaayi falwa megumbo lyopashigwana.

Gaseb tati ngaashingeyi okuuvite kutya evi otali kuthwako ko Land Board ,nomalelo gopamithigululwakalo itaga kalawe noonkondo dhasha kevi.

Nongele osho shili ngawo,okwa pula omwiityo gwaaleli yopamithigululwakalo.

O Nampa oya lopota kutya Gaseb okwiindiile opaalamende yi kaleke  manga oompata dho land Bill ,noku ninga oshigongi shomeendelelo naaleli yopamithigululwakalo ,ngaashi shili muutendo wo Council of Traditional Leaders Acts.

Zaamwani okwati oveta otayi kongo okutula mumwe ooveta adhihe dhoka dhilipo moveta yimwe,noku hanganitha o Land Act,mwa kwatelwa o Agricultural (Commercial) Land Reform Act no  Communal Land Reform Act.