Iigwana yahangana otayiindiile Haiti a ninge omahogololo oku hogolola epangelo epe,sho ethimbo ndyoka lya tulwapo lili poku thikana

Ta popi moshigongi sho Security Council ohela,omutumwa gwiigwana ya hangana Carlos Ruiz Massieu okwa londodha kutya ethimbo lyokuulika epangelo olya thikana,nondjila ya yela okushuna oshilongo kepangelo lyuudemokoli kayi wetike.

Olutu lopaupresident lopakathimbo mo Haiti okwa tegelelwa lu ninge omahogololo omanga inaaku thikwa ku 7 Feb 2026,ashike kapena esiku lya tulwapo ,sho oshilongo sha taalela omakuyunguto guuungangala.

O Africa news oya lopota kutya iigwana ya hangana oyati aantu ya konda 2 100 oya dhipagelwa momakuyunguto pokati ka June na August,noongangala ngaashingeyi hadhi kondolola oo % 99 dhoshilandopangelo,noku tululula aantu ya konda poomilion 1.4.

Omukalelipo shilongo gwa America Mike Waltz okwiindiile aaleli ya Haiti noshikondo shopaumwene ya yambidhidhe oonkambadhala dhomahogololo guudemokoli,omanga UK iindiile oondjindikila odhindji kwaamboka taya yambidhidha oongangala.

Shika osheya sho iigwana ya hangana tayi longekidha etumo epe lyegameno lyopashigwana oku kwathela okweeta engungumano moshilongo ,oku yambidhidha opolisi ya Haiti.