aanambelewa yopolisi yoshilando sha Windhoek ya thika 50 ,aapolisi yopashigwana 150 ,naanambelewa yoodholongo 75 oya pewa  omadheulo kunkene yena okuungaunga niipotha yuupyakadhi wopamadhiladhilo

Ominista yuuhaku nonkalo nawa Dr Esperance Luvindano,okwa holola kutya aanambelewa yopolisi yoshilando sha Windhoek ya thika 50 ,aapolisi yopashigwana 150 ,naanambelewa yoodholongo 75 oya pewa  omadheulo kunkene yena okuungaunga niipotha yuupyakadhi wopamadhiladhilo.

Minister mopaalamende ohela omanga ta yamukula komapulo go Mental Health Bill yonuumvo ndjoka opo ya tulwa megumbo lyopashigwana okwati uuministeli owa ninga omadheulo naanambelewa yopolisi ya Muni,yoshilongo, oshowo naanambelewa yoodholongo kowino yopetameko yuukalinawa  wopamadhiladhilo,,moka mwa kwatelwa ngaashi okuungaunga naavu aadhudhu, oshowo nkene yena okuya loteka.

Tati nonando omwaalu gwaanambelewa ya dheulwa inagu gwana,etambaathana lyowino mosheetwapo otali lalakanene oku shilipaleka kutya aanambelewa oya ndungikwa kunkene yena okuungaunga noonkalo dhuupyakadhi wopamadhiladhilo.

Mu Kotoba,ominista yiikwameni yoshilongo Lucia Ipumbu omanga ta popi kontotwaveta ,okwa yele wo omadheulo ga huma gaanambelewa yegameno oshowo aanambelewa yoodholongo,molwaashoka ohaya longo naanadholongo mboka yena uukwatya wopamadhiladhilo wa yooloka.

Ipumbu ta nongele kutya okuza maanadholongo 4 500,ya thika 671 oyena uupyakadhi wopamadhiladhilo.