President Netumbo Nandi Ndaitwah, ota kakufa ombinga moshivilotyapulo shemanguluko la Angola

President Netumbo Nandi-Ndaitwah otelitumupo poushiindalongo oku kakufa ombinga poshindingilityapulo shewanifo lomido 50 demanguluko loshilongo Angola osho shiliko mongula.

Ewanifo lomido 50 demanguluko loshilongo Angola, ola talika epondolo moshikondo shemanguluko neyokomeshp loshilongo.

Olopota oya ulika kutya,  oshilongo Angola na Namibia oya talika ina oushiinda woku lipa ekipalofingo,  osho sha dutwapo nale mondjokonona pefimbo Namibia, akala mekondjelomanguluko na Angola osho shimwe shomoilongo oyo yakwafela Namibia,  pefimbo ali ataalela onghalo ingulutila yoita.

Oilongo yo pavali oya talika yeshipondola meyokomesho loikondo ya yooloka ngaashi oshikondo sheameno, eyokomesho leliko oshoyo  moshikondo shomayambulepo omauyelele no makwatafano.

Ondjokonona oya ulika kutya Angola okwa monene emanguluko mo 11 November 1975, konima eshi oshilongo shakala noku kolonyekwa koshilongo Portugal,  oule womido difike lunga  po 400.

Pefimbo shamona emanguluko ,  Agostinho Neto,  oye ali omupresident woshilongo osho mekwatelo komesho longudu oyo yamangulula oshilongo MPLA.