Oshiputudilo sho NUST, opamwe no NAPWU vahanga eudafanotwokumwe louwa wo kuwedako keendjabi dovanilonga

Oshiputudilo shelongo lo pombada moshilongo NUST,  onghela osha tulapo omukanda udafanotwokumwe wouwa weendjabi pamwe nehangano lovanailonga lo NAPWU oshoyo ehangano lo valongi mo Namibia TUN.

Omukanda watuminwa oikundaneki onghela okudja ko NUST,  owati omukanda udafanotwokumwe wahangikapo no kutulwa moilonga ouli epondolo liliwetikile leenghundafanda daunganekwa pefimbo loshimaliwa shokomudo 2024/2025, mouwa wovanailonga voshiputudilo.

Eudafano ola ulika ouwa wewedelo leendjabi nee 5% kovanailonga aveshe ovo vena onghatu yo grade 7-11, mwa kwatelwa ovanailonga tava kalele vaningamo oule wodula ile shidulifepo.

Olopota oya ulika yoo eyopombada lewedelo leendjabi nee  6% kovanailonga vakutililwa ovo vena onghatu yo grade 12-16, mwa kwatelwa ovo vakalamo okudja podula imwe ile shidulifepo.

Eudafano ola talika yoo layandja ouwa weyakulo louhaku nee 80%,  odo ta dikala no kufutwa koshiputudilo.

Olopota oya ulika kutya etulomoilonga lewedelo leendjabi,  ola tulwa nale  koshivalo okudja 1 January 2025.

Prof Andrew Nikondo,  onga vice chancellor takwafele pakafimbo moshiputudilo,  okwa longifa omito oku pandula o committe oyo ya kala meenghundafana noku hanga eudafano twokumwe olo latulwapo.