uuministeli wuundjolowele owati owa tula miilonga omilandu dhoku shilipaleka kutya omandiki guuhaku ogena omiti niiyakulithi

Pethimbo  pena omaipulo omolwa ompumbwe yomiti dha simana, nuu kit woku konakona o HIV,uuministeli wuundjolowele owati owa tula miilonga omilandu dhoku shilipaleka kutya omandiki guuhaku ogena omiti niiyakulithi.

Uuministeli tawuti owa landa uukende womuti gomeya go paracentamol wuli 300 000,mbuka wa tegelelwa moshilongo mokati ka December,nowa gwana oku gwanithapo oompumbwe dhomiti uule woomwedhi 12 dhili komeho.

Omanga  Paracentamol ya ngambekwa natango tayi monika komandiki guuhaku.

Omanga uu kit woku konakona o HIV,uuministeli wati uu kit wo  Colloidal Gold wulipo wa gwana  sigo oomwedhi  ndatu,nuuministeli wa landa uu kit wuli 15 000 tau thiki meni lyiiwike 12.

Omanga uu Kit wo Unigold,mboka hawu longithwa momakonakono go labora,wulipo wa gwana sigo oomwedhi hamano,omanga o Cure check tamu ende tamu gwedhwa, oku shilipaleka kutya omayakulo gomakonakono go HIV otaga tsikile inaaga piyaganekwa moshilongo ashihe.