Aahogololi mo Windhoek otaaka taalela ombaapila yomahogololo yuudha nuumvo,noongundu dhoopolitika dhili 18 nomahangano taga kondjele oku kondolola elelo lyoshilando sha Windhoek

Aahogololi mo Windhoek otaaka taalela ombaapila yomahogololo yuudha nuumvo,noongundu dhoopolitika dhili 18 nomahangano taga kondjele oku kondolola elelo lyoshilando sha Windhoek,omwaalu gwazi po 13 momahogololo ga piti.

Aaulikwahogololwa ya konda 200 otaa kondjele iipundi melelo lyoshilando, yili 15,naahogololi ya shangithwa yeli 255 000 kwa tegelelwa yaka hogolole metitatu twa thinda.

O Nampa oya lopota kutya momahogololo ga piti,ongundu yo SWAPO oya kanitha iipundi kembwinda ndyoka aatseyinawa yati otali nyengwa okugandja omayakulo ga simana.

Omutseyipolitika Natjirikasorua Tjirera okwati oshilando osha pumbwa aaleli mboka yuuviteko omashongo gopaliko nkalathano ga Windhoek ,noyena ohokwe oku ninga oshilalakanenwa egandjo lyomayakulo.

Ta londodha wo  kutya oku kala noongundu 18 momahogololo osha kalelapo eshunomonima lyeinekelo mopolitika onkulu,noku tengeneka kutya embwinda lilwe olya tegelelwa.

Omanga omutseyi nawa Sam Kauapirura na Ndumba Kamwanyah ya zimine kutya ewiliko alike lya hangana olyo tali vulu oku yamukula kiipambele ngaashi omagumbo,omwaahena iilonga,omagumbo,nekoko lyomalukanda.