O Sinomine Tsumebt Smelter Tsumeb oya pungula oodola dha konda 400 000 melongo moshitopolwa Oshikoto

(Pic via Sinomine Tsumeb facebook)

Onga oshitopolwa shoshinakugwanithwa shayo shopankalathano,o Sinomine Tsumeb Smelter oya gandja iilongo yomauyelele nomakwatathano gopaungomba kooskola 14 dhoka hadhi gandja o level yo AS moshitopolwa Oshikoto.

IInima oyina ongushu yoodola dha konda 400 000 noya kwatelamo wo iilongitho yilwe yelongo ,yaanona oothigwa naalongwa mboka ya pumbwa ekwatho.

Ta popi pegandjo lyiiyakulitho etitano kOndangwa,omunashipundi go Sinomine Tsumeb Community Trust Max Johnson okwati iinima ya gandjwa oyili etsikilo lyomapungulo gawo moopololeka dhoshigwana moshilongo ashihe.

Tati uule woomvula 14 oyuulike eitulemo lyawo paku pungula oodola dha konda poomilion 61 moopololeka dhoshigwana dha yooloka ,nelongo olyo hali pewa oshipambu oshinene.

Tomas Kalimbo omupevi kuluntu go Programmes and Quality Assuarance moshikondo shelongo moshitopolwa Oshikoto okwati omauyelele nomakwatathano gopaungomba ohaga patulula omiyelo dhotseyo,oku nawapaleka oku longa,oku nkondopeka omapekapeko,noku nkondopeka aalongwa ya thigathanepo naalongwa ooyakwawo kehe pamwe muuyuni.