Opolisi moshitopolwa Oshikoto oyiilongekidha oku kalekapo elandulathano negameno mesiku lyomahogololo

Opolisi yoshilongo moshitopolwa Oshikoto otayi ka tuma aanambelewa yopolisi 540 oku shilipaleka oveta nelandulathano kiitasi yoku hogololela moshitopolwa mesiku lyomahogololo metitatu.

Ta popi no Nampa koombonge dhopolisi kOmuthiya nena,komanda gopolisi moshitopolwa Oshikoto komufala Ndeshipanda Iifo okwa koleke kutya kehe poshitaasi shomahogololo otapu kala aanambelewa yaali yopolisi,omanga aanambelewa yaali yopolisi taaka tuminwa ko depot yokomisi yomahogololo yiilongitho yomahogololo .

Iifo tiindiile aakwashigwana yiiyuthe kooveta dhomahogololo,mwa kwatelwa ondjindikila yoku humbata iilwitho nenge iilwitho ya nika oshiponga kiitasi yomahogololo.

Aa Namibia metitatu otaaka hogolola ookamusela yomalelo giitopolwa niikandjohogololo.

Omanga omahogololo gowina taga ningwa nena,moka aanambelewa yopolisi ,aanambelewa yomahogololo ,naanambelewa yoodholongo mboka taaka kala miilonga metitatu, taya hogolola.