Uuministeli wuunamapya,oohi,omeya nomatulululo gomavi otau endeleleke okutula oboola yomeya yopaulumpumbwe komukunda Thipanana moshikandjohogololo Mukwe, sha landula oshiponokela shongandu shoka sha faalele oomwenyo gomunamimvo 47 Othilia Mandera

Uuministeli momushangwa tawuti iilonga yoboola oyili metifa,mwa kwatelwa okutulamo ootenga,oshowo iilonga yokayungulita,noboola kwa tegelelwa yi patululwe methimbo efupi.

Shika oshili oshitopolwa shoonkambadhala dhopashigwana oku tanununamo ompito yoku mona omeya ga gamenwa moshilongo,mwa kwatelwa okufula oobola noondama tadhi fulwa noku tungwa miitopolwa ya yooloka yoshilongo okuza moshitoplwa Kavango sigo omo Khomas.

Uuministeli tau endulula eitulemo oku gandja omeya ga gamenwa,nogeshi okwiinekelwa kiigwana yokuushayi,noku shonopeka oku kala ya hupila moonzo dhomeya dhoka dha nika oshiponga,noku keelela iiponga monakuyiwa.